आईसीटी समाचार
कर्मचारी सञ्चय कोषले जेठ ११ गते आइतबार अर्थात आजदेखि अनलाइन मार्फत लिन मिल्ने गरी विशेष सापटी सेवा सुरु गर्ने भएको छ ।
सञ्चयकर्तालाई सरल, सहज र प्रभावकारी रुपमा सेवा उपलब्ध गराउने उदेश्यले कोषले अनलाइनबाट सापटी लिन मिल्ने व्यवस्था गरेको हो ।
अनलाइनबाट सापटी लिनको लागि सञ्चयकर्ता र सम्बन्धित कार्यालयको केवाईसी अद्यावधिक भएको हुनुपर्ने र अद्यावधिक नभएको कार्यालयले अनलाइनबाटै अद्यावधिक गर्न सकिने छ ।
त्यस्तै कोषले सम्बन्धित सञ्चयकर्ता र कार्यालयलाई दिएको युजर नेम र पासवर्ड प्रयोग गर्नुपर्ने छ । साथै सञ्चयकर्ताले बैक खाता मार्फत कारोबार गर्न स्वीकृती प्रदान गर्नुपर्ने छ ।
अनलाइन प्रणालीबाट हाललाई २० हजारदेखि १० लाखसम्म विशेष सापटी माग गर्न सकिने छ । सापटी लिनको लागि सञ्चयकर्ताले कोषको वेबसाइटमा गई प्राप्त निर्देशन अनुसार फाराम भरी अपलोड गर्नुपर्ने छ ।
कोषले उक्त फारामलाई प्रमाणीत वा सिफारिस गरेपछि सञ्चयकर्ताको बैंक खातामा सिधै रकम जम्मा गरिदिने छ ।
