कोभिड १९ लाई लक्षित गर्दै दह्वाले ल्यायो \'थर्मल क्यामेरा\'

विश्व प्रसिद्ध सेक्युरिटी तथा सिसीटिभी क्यामेरा उत्पादन गर्ने कम्पनी दह्वा( Dahua )ले नेपालमा पनि थर्मल क्यामेरा उपलब्ध गराएको छ । कोभिड १९ लाई लक्षित गरेर कम्पनीले थर्मल क्यामेराको सेवा सुरु गरेको जनाएको छ । थर्मल क्यामेरा मार्फत ज्वरो आएको वा अन्य विरामी जस्ता देखिने व्यत्तिहरुको पहिचान गर्दछ ।

यसबाट माक्स तथ सुरक्षा उपायका साधानहरु प्रयोग गरेको छ कि छैन भनेर सजिलै पत्ता लगाउन सकिने दह्वाको नेपाल वितरक टेक वल्र्ड डिस्ट्रिव्युटरले जनाएको छ । चीनमा कोरोनाको संक्रमण बढेसँगै यस प्रकारको क्यामेराहरुको विशेष प्रयोग गरिएको थियो । कार्यालय, अस्पताल, एयरपोर्ट तथा मानिसहरुको भिडभाड हुने स्थानमा यस प्रकारको क्यामेरा कोरोना नियन्त्रणमा सघाउ पुर्याउने विभिन्न अध्ययनले देखाएको छ ।