आईसीटी समाचार
नेपाल विज्ञान तथा प्रविधि प्रज्ञा प्रतिष्ठान (नास्ट) ले कोरोना भाइरस र त्यसले ल्याएका समस्यासँग जुध्नका लागि आवश्यक पर्ने प्रविधि विकास गर्न वा विद्यमान प्रविधिहरुलाई सुधार गर्दे नविनतम प्रविधि विकास गर्नेलाई अनुदान उपलब्ध गराउने भएको छ ।
नास्टले गोरखापत्रमा सूचना प्रकाशित गर्दै कोभिड १९ अर्थात कोरोना भाइरस र त्यसले ल्याएका समस्यासँग जुध्न प्रविधि विकास गर्ने वा विद्यमान प्रविधिहरुलाई सुधार गर्दे नविनतम प्रविधि विकास गर्नेलाई अधिकतम १० लाख रुपैयाँसम्म अनुदान उपलब्ध गराउने जानकारी दिएको हो ।
नास्टले स्वास्थ्य प्रविधि तथा यान्त्रिकीकरण तथा औषधी निर्माण वा भ्याक्सीन विकास, कृषि प्रविधि तथा यान्त्रिकीकरण, जैविक तथा खाद्य प्रविधि, सूचना प्रविधि, संक्रमणकालिन पूर्व तयारी प्रविधि, स्वास्थ्य एवं कृषि र वातावरण क्षेत्रको उदयमान प्रविधिहरुमा अनुदान उपलब्ध गराउने छ ।
यी क्षेत्रहरुमा विद्यमान समस्याहरुको समाधान गर्ने खालका प्रविधि विकासको लागि नास्टले प्रस्ताव आह्वान गरेको छ ।
आफुले गर्न सक्ने परियोजनाको प्रस्तावमा अविधि समेत खोली १५ दिनभित्र [email protected] इमेल वा नास्टको ठेगानामा पठाई कार्यालयमा दर्ता गराउन सकिने छ ।
प्रस्तावको मूल्याङकनको आधारमा छनौट गरिएका प्रति प्रस्तावलाई दशलाख रुपैयाँसम्म अनुदान दिइनेछ । भने यस कार्यक्रममा सहभागी हुन् शैक्षिक योग्यताको कुनै बन्देज रहेको छैन् ।
यसबारे यहाँ क्लिक गरी थप जानकारी लिन सकिने छ ।
