आईसीटी समाचार
क्यान महासंघ पर्साले विरगञ्ज महानगरपालिकाको कोरोना भाइरस नियन्त्रण तथा उपचार कोषमा आर्थिक सहयोग गरेको छ ।
बुधबार क्यान महासंघ पर्साले आफ्नो सामाजिक उत्तरदायित्व अन्तर्गत विरगञ्ज महानगरपालिकाले सञ्चालन गरेको कोरोना कोषमा ५१ हजार रुपैयाँ आर्थिक सहयोग गरेको हो ।
क्यान महासंघ पर्साका अध्यक्ष दिपक शाहको नेतृत्वमा गएको टोलिले विरगञ्ज महानगरपालिकाका मेयर विजय कुमार सरावागीलाई ५१ हजार रुपैयाँको चेक हस्तान्तरण गरेको छ ।
कोरोना भाइरस नियन्त्रण गर्नको लागि पीसीआर मेसिन तथा भिटिएम लगायत अन्य आवश्यक स्वास्थ्य सामग्री खरिद गर्न सहयोग पुर्याउने उदेश्यले क्यान महासंघ पर्साले आर्थिक सहयोग गरेको हो ।
उक्त चेक हस्तान्तरण कार्यक्रममा क्यान महासंघ प्रदेश २ का अध्यक्ष आलोक कुमार चौरसिया, जिल्ला उपाध्यक्ष प्रशान्त कुमार, जीवन प्रसाद गुप्ता जीवन प्रकाश गुप्ता, सह सचिव गणेश सर्राफ, कोषाध्यक्ष सञ्ज्य सक्सेना, सदस्यहरू अर्जुन कुमार अधिकारी, आँशु सर्राफलगायतको उपस्थिति रहेको थियो ।
