आईसीटी समाचार
अब मोबाइल एप मार्फत कान्ति बाल अस्पतालको ओपिडी सेवाको टिकट लिन सकिने भएको छ । शुक्रबार स्वास्थ्य तथा जनसंख्या मन्त्री भानुभक्त ढकालले मोबाइल एपको शुभारम्भ गरेका हुन् ।
मोबाइल एपको शुभारम्भ गर्दै मन्त्री ढकालले एपको प्रयोगबाट उपभोक्ताको समय बचत हुनुका साथै उपचार प्रक्रियामा समेत सहज हुने बताए ।
अहिलेलाई एन्ड्रोइड स्मार्टफोन प्रयोगकर्ताले गूगल प्ले स्टोरमा उपलब्ध रहेको कान्ति बाल अस्पतालको मोबाइल एप डाउनलोड गरी यो सेवा प्रयोग गर्न सक्ने छन् ।
यो सेवा आईओएस मोबाइल एप तथा अस्पतालको वेबसाइट मार्फत पनि छिटै प्रयोग गर्न सकिने व्यवस्था मिलाइने बताइएको छ ।
घरबाटै मोबाइल एपको प्रयोग गरी टिकट लिन सकिने तथा त्यसपछि सोझै अस्पताल पुगी चिकित्सक कहाँ गएर अभिभावकले आफ्ना बालबालिकाको उपचार गराउन सक्ने छन् ।
मोबाइल एप मार्फत बिहान ९ बजेदेखि दिउँसो १ बजेसम्म घरबाटै टिकट काट्न सकिने छ । जसको लागि दर्ता शुल्क ५० रुपैयाँ लाग्ने छ । दर्ता शूल्क पनि अनलाइनबाटै तिर्न सकिने छ ।
गूगल प्ले स्टोरमा रहेको कान्ति बाल अस्पतालको एन्ड्रोइड मोबाइल एप डाउनलोड गर्न यहाँ क्लिक गर्नुहोस ।
