खाद्य संकटको समस्या समाधान गर्न आयोजना गरिएको फुडाथनको ग्राण्ड फिनाले आज हुदै

बिट्स लाडरले आयोजना गरेको फुडाथनको आज ग्राण्ड फिनाले हुने भएको छ । खाद्य संकटको समस्या समाधान गर्ने र खाद्य स्थिरतालाई वृद्धि गर्ने उदेश्यले आयोजना गरिएको फुडाथन कार्यक्रमको आइतबार अर्थात आज ग्राण्ड फिनाले हुने भएको हो ।

अनलाइन मार्फत दिउँसो ३ बजेदेखि साझ ६ बजेसम्म तीनघण्टाको सेसन हुनेछ । उक्त कार्यक्रममा टप १३ फाइनलिष्ट टिमले खाद्य सुरक्षा सुनिश्चित गर्न उनीहरुले ल्याउन प्रयास गरिरहेको इनोभेसनको बारे अन्तिम प्रस्तुति दिने छन् ।

आजको कार्यक्रममै निर्णायकहरुले विजेता छनौट गर्ने छन् । उक्त कार्यक्रममा अन्य व्यक्तिहरु पनि स्पीकरको रुपमा रहेका छन् ।

फुडाथनको टाइटल विजेता टिमले ५० हजार नगद पुरस्कारको साथै मेन्टरसिप समेत प्राप्त गर्ने छ । फुडाथनको ग्राण्ड फिनालेमा सहभागी हुनको लागि यहाँ क्लिक गर्नुहोस ।