नयाँ पुस्ता इन्नोभेटिभ हुनुपर्ने प्रधानमन्त्रीको भनाई 

आजदेखि सुरु भएको वैकल्पिक सिकाई सहजिकरणको घोषणा तथा शुभकामना व्यक्त गर्दै प्रधानमन्त्री केपि शर्मा वलीले नया पुस्ता इन्नोभेटिभ हुनुपर्ने बताए । नेपाल टेलिभिजन मार्फत सम्बोधन गर्दै प्रधानमन्त्रिले प्रविधि मा अभ्यस्त हुदै नयाँ युगको लागि तयार हुन विद्यार्थीलाई आग्रह गरेका छन ।

प्रधानमन्त्रीले अब नेपालमा फेरी आन्दोलन गर्नुनपर्ने र यहि पुस्तामा परिवर्तन र विकसित समाज निमार्ण गर्न सकिने प्रधानमन्त्रीले बताए । ६० लाखबढि विद्यार्थीहरु आज विभिन्न माध्यमबाट अनलाइन सिकाईको क्रममा रहेको हुदा उनिहरुलाई अध्ययनशिल रहेर अघि बढ्न सुझाव दिए । कुन क्षेत्रमा लाग्ने हो, भोलि भविश्य कस्तो बनाउने आफैले सोच्दै सोहि अनुसार मेहनत गर्दै लगनशिल हुन र समाजिक, सांस्कृतिक सभ्यतालाई कायम राख्दै अघि बढ्न सुझाएका छन ।

विज्ञान र प्रविधिको युग भएको भन्दै अब पहुच हुनेहरुले यसलाई सहि सदुपयोग गर्न र पहुच नहुनेहरुलाई तत्काल अरु माध्यमबाट सिकाइलाई निरन्तरता दिदै अघि बढ्न अभिभावक तथा विद्यार्थीलाई प्रधानमन्त्रीले आग्रह गरे । आजदेखी विभिन्न ५ माध्यमबाट प्रविधिमा भएर र नभएका सबैलाई समेट्दै सिकाइ सहजिकरणको अभियान सुरु भएको छ । कोरोना रोकथाम तथा नियन्त्रणमा सहज नभएसम्म यसलाई जारी राखिने शिक्षा, विज्ञान तथा प्रविधि मन्त्रालयले वताउदै आएको छ ।

बैकल्पिक सिकाइबारे थप जानकारी लिन वा तालिका हेर्न यहाँ क्लिक गर्नुहोस । वैकल्पिक सिकाईको निर्देशिका अध्ययन गर्न यहाँ क्लिक गर्नुहोस ।