आईसीटी समाचार
लक्ष्मी बैंकले ल्याप्टप, कम्प्युटर तथा त्यससँग सम्बन्धित उपकरण खरिदको लागि ऋण दिने भएको छ । कोरोनाको कारण सिर्जना भएको वर्क फ्रम होम र अनलाइन लर्निङलाई मध्यनजर गर्दै बैंकले ऋण दिने योजना ल्याएको हो ।
खरिद मूल्यको शत प्रतिशतसम्म ऋण उपलब्ध गराउने लक्ष्मी बैंकको यस योजनामा वार्षिक १२ प्रतिशत ब्याजदर निर्धारण गरिएको छ ।
लक्ष्मी बैंकले अहिलेलाई एसर, इप्सन, डेल तथा एप्पल ब्राण्डका ल्याप्टप तथा कम्प्युटर उपकरण खरिदमा ऋण दिने जनाएको छ । यसमा अझै ब्राण्डहरु पनि थप्दै जाने बैंकको योजना रहेको छ ।
लक्ष्मी बैंकले ल्याप्टप, कम्प्युटर तथा त्यससँग सम्बन्धित उपकरण खरिदको लागि उपलब्ध गराउने ऋणको प्रक्रिया सुरु गर्न कुनै पैसा लाग्ने छैन ।
