आईसीटी समाचार
सामसङले नेपाली बजारमा सामसङ ग्यालेक्सी एस २० अल्ट्रा फोन सार्वजनिक गरेको छ । यो फोनको क्यामेरामा आर्किटेक्चर एआईलाई समावेश गरिएको छ ।
एआई क्यामेराले गर्दा यसमा उत्कृष्ट फोटो खिच्न सकिन्छ । फोनमा कुनैपनि फोटोलाई इडिटिङ क्रपिङ तथा जुमिङ गर्न सकिन्छ । १०८ मेगापिक्सेल क्यामेरा सहित चारवटा रियर क्यामेरा यसमा छन् । भने ४० मेगापिक्सेलको फ्रन्ट क्यामेरा रहेको छ ।
यसमा एटके भिडियो खिच्न सकिन्छ । १२ जीबी र्याम र १२८ जीबी इन्टर्नल स्टोरेज रहेको ग्यालेक्सी एस २० अल्ट्रा फोनमा गेम बुस्टर तथा फास्ट प्रोसेसर प्रयोग गरिएको छ ।
५ हजार एमएएचको ब्याट्री रहेको यस फोनले फास्ट चार्ज समेत सपोर्ट गर्छ । यसमा फिंगरप्रिन्ट स्क्यानरको सुविधा रहेको छ । नेपालमा सामसङ ग्यालेक्सी एस २० अल्ट्राको मूल्य १ लाख ५९ हजार ९९९ तोकिएको छ ।
यस फोनको खरिदमा ग्राहकले ग्यालेक्सी बड्स प्लस निशूल्क पाउने छन् । भने इएमआईको सुविधा, १ वर्षको ब्रकेज इन्स्योरेन्स तथा एक्सचेञ्जको सुबिधा पनि प्राप्त गर्न सकिने छ ।
