आईसीटी समाचार
गत मार्च महिनामा ओपोले नेपालमा आफ्नो पहिलो टीडब्लुएस ईयरफोन एन्को फ्रि सार्वजनिक गरेको छ । गत बर्षको डिसेम्बर महिनामा पहिलो पटक यो उत्पादन सार्वजनिक गरिएको थियो ।
यस लगतै कम्पनीले लगातार हियरेबल्स मार्केटको बजार हिस्सा हात पार्ने सोचका साथ थप ईयरबड्सपनि सार्वजनिक गरिसकेको छ । यही क्रममा ओपो ब्राण्डेड ट्रुलि वायरलेस ईयरबड्स चाइनिज प्याटेन्ट अफिस (सीएनआईपीए) सँग प्याटेन्ट गरिएको छ ।
प्याटेन्ट गरिएको ईयरबड्समा ईनइयर डिजाइनका साथै यही महिनाको सूरुवातमा चीनमा सार्वजनिक गरिएको एन्को डब्ल्यू ५१ टीडब्लुएस ईयरफोनमा झैँ स्टेमको प्रयोग गरिएको छ । यी दूई उत्पादनमा रहेका प्रमुख भिन्नताको कुरा गर्नुपर्दा प्रमाणित यस मोडलमा एन्को डब्लु ५१ को तुलनामा छोटा स्टेमको प्रयोग गरिएको छ ।
ईयरबड्को पछिल्तिरको भागमा हल्का घुमाउरो डिजाइन प्रदान गरिएको छ । साथै यसमा, गोलाकारमा सुनौलो रिंग र सम्भवतः न्वाइज क्यान्सिलेसनका लागि एउटा कट आउट डिजाइन पनि अपनाइएको छ ।
प्रमाणिकरण सुचीमा ईयरबड्स सम्बन्धि विस्तृत विवरण दिइएको छैन । तथापी, यसमा एक्टिभ न्वाइज क्यान्सिलेसन तथा डिप बास लगायत फिचर्सहरु उपलब्ध हुने अनुमान गरिएको छ ।
छोटो स्टेमलाई दृष्टिगत गर्दै यसमा रहेको माइक्रोफोनपनि निकै सम्बेदनशिल हुने अनुमान लगाउन सकिन्छ । साथै बुलुटुथ ५.०, आईपी वाटर रेसिस्टेन्स रेटिङ र सम्भावित टिकाकाउ ब्याट्री लगायत साधारण फिचर्स यसमा हुने निश्चित प्राय छ ।
डिजाइनमा चार्जिङ केस मार्फत ईयरबड्स चार्ज गर्नका लागि यसमा रहेका छोटा स्टेममा उतक जोडी पोगो पिन्सको ब्यवस्था समेत हुन सक्नेछ ।
