११ दिनमै रकम दोब्बर गर्न सकिने खल्तीको दुई गुणा अफर, यसरी हुनुहोस सहभागी

डिजिटल पेमेन्टलाई प्रोत्साहन गर्ने उदेश्यले खल्तीले माबोइल एप र खल्तीको वेबसाइट मार्फत कारोबार गर्ने ग्राहकहरूका लागि ‘खल्तीको दुई गुणा अफर’ नामको नयाँ योजना ल्याएको छ ।

यस अफरमा १० रूपैयाँ देखि ५०० रूपैयाँसम्म पठाउने ग्राहकमध्ये भाग्यशाली ५० जना विजेताले आफुले पठाएको रकम दोब्बर बनाउने मौका पाउने छन् । यो योजना असार १७ देखि असार २७ सम्म लागु हुनेछ ।

यो योजनामा ग्राहकले ११ दिनमै आफूले पठाएको रकम दोब्बर बनाउने अबसर पाउने छन् । यदि बिजेता नभएमा आफुले पठाएको रकम असार ३१ गते फिर्ता पाइने छ । ५० जना विजेताको घोषणा असार २८ गते गरिनेछ ।

यस योजनामा सहभागी हुने ग्राहकले असार २७ गतेसम्म केवाईसी भेरिफिकेसन गर्नुपर्ने छ । यस अफरमा खल्ती प्रयोगकर्ताका साथै एजेन्टहरु पनि सहभागी हुन् सक्ने छन् ।

सहभागी हुने तरिका

वेबसाइट मार्फत यस योजनामा सहभागी हुनको लागि खल्तीको वेबसाइटमा गई अकाउन्ट लगइन गरी ‘सर्भिसेस’ अप्सनमा जानुहोस । सर्भिसेस अप्सनमा गएपछि डबल मनिमा क्लिक गरी १० रुपैयाँ देखि ५०० रुपैयाँसम्म पठाउन सकिने छ ।

यो अपरमा सहभागी हुन खल्ती एप प्रयोगकर्ता सबैभन्दा पहिले आफ्नो मोबाइलमा भएको खल्ती एपमा जानुहोस । यदि एप डाउनलोड गर्नु भएको छैन् भने एप डाउनलोड गर्नुहोस ।

त्यसपछि अकाउन्ट लगइन गरी ‘बजार’ अप्सनमा क्लिक गर्नुहोस ।   बजार अप्सनमा गएपछि ‘खल्ती पैसा डबल अफर’ मा क्लिक गरी १० रुपैयाँ देखि ५०० रुपैयाँसम्म पठाउन सकिने छ ।

खल्तीको एन्ड्रोइड मोबाइल एप डाउनलोड गर्न यहाँ क्लिक गर्नुहोस भने । आईफोनको लागि यहाँ क्लिक गर्नुहोस । साथै वेबसाइटमा जानको लागि यहाँ क्लिक गर्नुहोस ।