आईसीटी समाचार
भारतीय टेलिकम कम्पनी रिलायन्स जिओले आफ्नो भिडियो कन्फेरेन्सिङ टुल अफिसियल रुपमा ‘जिओ मिट’ सार्वजनिक गरेको छ । जिओ मिट वेब, विन्डोज, म्याक, एन्ड्रोइड तथा आईओएस लगायतका प्लेटफममा उपलब्ध रहेको छ ।
जिओ मिटमा एकपटकमा १०० जना सम्म मिटिङमा सहभागी हुन सकिन्छ । कम्पनीले यसको पहिलो घोषणा गत अप्रिल ३० मा गरेको थियो ।
जिओ मिट अहिले आएर सबैको लागि उपलब्ध भएको छ । जिओ मिट एप १ लाख भन्दा बढीले डाउनलोड गरिसकेका छन् ।
जिओ मिटमा स्क्रीन शेयरिङ तथा मिटिङ शेड्युलिङको सुविधा रहेको छ । यसमा बिना कुनै अबरोध निशूल्क २४ घण्टासम्म फ्रिमा कल गर्न सकिन्छ । जिओमा अहिले कुनैपनि सशूल्क प्लान रहेको छैन् ।
यसमा सबै मिटिङ इन्क्रिप्टेड हुने कम्पनीको दाबी रहेको छ । तर यसबारे धेरै केही खुलाएको छैन् । जिओ मिटको एन्ड्रोइड एप डाउनलोड गर्न यहाँ क्लिक गर्नुहोस भने आईफोनको को लागि यहाँ क्लिक गर्नुहोस ।
