आईसीटी समाचार
अमेरिकी प्रविधि कम्पनी इन्टेलको लगानी शाखा इन्टेल क्यापिटलले भारतको रिलायन्स जिओमा २५३ मिलियन अमेरिकी डलर लगानी गर्ने भएको छ । यससँगै अब इन्टेल क्यापिटलको रिलायन्स जिओमा ०.३९ प्रतिशत हिस्सा हुनेछ ।
गत ११ हप्तामा रिलायन्स जिओमा लगानी गर्ने इन्टेल १२ औं कम्पनी हो । जिओ भारतको ठूलो मोबाइल नेटवर्क प्रदायक कम्पनी हो । जसको ३८८ मिलियन भन्दा बढी ग्राहक छन् ।
रिलायन्स जिओमा यसअघि फेसबुक, सिल्भर लेक, भिस्टा, जनरल अटलान्टिक लगायतका ११ कम्पनीले लगानी गरिसकेका छन् । इन्टेल क्यापिटलले फाइभजी, एआई, सञ्चार, नेक्स्ट जेनेरेशन कम्प्युटिङमा केन्द्रित भएर स्टार्टअपमा लगानी गर्दछ ।
एजेन्सीको सहयोगमा
