अमेजनका संस्थापक जेफ बेजोसको सम्पति १७१ अर्ब डलर, बने अहिलेसम्मकै धनी

विश्वको लोकप्रिय अनलाइन ईकमर्स कम्पनी अमेजनका संस्थापक जेफ बेजोसको सम्पति अहिलेसम्मकै सबैभन्दा बढी भएको छ । जेफ बेजोसको सम्पति अहिले करिब १७१.६ अर्ब डलर पुगेको ब्लुमवर्गले जनाएको छ ।

कोरोना महामारीको समयमा अर्थतन्त्र खस्किएको अवस्थामा जेफ बेजोसको भने सम्पति बढेको हो । अनलाइन ईकमर्श कम्पनी अमेजनमा बेजोसको ११ प्रतिशत शेयर रहेको छ ।

गत वर्ष जेफ बजोसले आफ्नी श्रीमती म्याकेन्जी बेजोससँग डिभोर्स गर्दा उनको सम्पती कम भएको थियो । म्याकेन्जीको अमेजमा ४ प्रतिशत शेयर रहेको छ । उनको सम्पति ५६.९ अर्ब डलर पुगेको छ । म्याकेन्जी बेजोस ब्लुमवर्गको १२ औं श्रेणीमा रहेकी छिन ।