आईसीटी समाचार
लकडाउनसँगै सुरु भएको अनलाइन राउण्ड टेवल डिस्कसन (डिजिटल संवाद) कार्यक्रमको १४औं श्रृंखला अन्तर्गत आज ग्रामिण डिजिटल कनेक्टिभिटीको बारेमा छलफल हुदैछ ।
यसअघिका विभिन्न श्रृंखलामा डिजिटल एजुकेशन, डिजिटल एग्रिकल्चर, हेल्थ, डेटा, डिजिटल एजेण्डा लगायतका विषयमा विज्ञ तथा सरोकारवालासँग अन्तकृया भएको थियो । आज हुने डिजिटल सवंवादको कार्यक्रममा सरकारले दुरसञ्चार तथा इन्टरनेटको क्षेत्रमा गरिरहेका प्रयास, ग्रामिण क्षेत्रमा इन्टरनेटको समस्या तथा इस्युहरु, विभिन्न सेवा प्रदायकका प्रयासहरु र यसको समाधानको लागि सरकार र सम्वन्धित निकायले गरिरहेका प्रयासहरुको बारेमा विस्तृत अन्तकृया तथा छलफल हुनेछ ।
आज दिउसो १ बजेदखि जुममार्फत सुरु हुने कार्यक्रममा सहभागि हुन [email protected] मा इमेल वा यो लिंकमा गएर रजिस्ट्रेसन गर्नुपर्नेछ ।
कार्यक्रममा सहभागि हुन नेपाल दुरसञ्चार प्राधिकरणका ग्रामिण दुरसञ्चार विकास विभागका निर्देशक डा. सुरेन्द्रलाल हाडा, नेपाल टेलिकमका इन्जिनियर अम्रित नेपाल, आइसिटी फोरडीका निर्देशक पवन शाक्य र भेरी नगरपालिका, जाजरकोटका मेयर सिपी घर्तिको सहभागिता रहनेछ । यसैगरी भायानेट कम्युनिकेशनका निर्देशक सेवा पाठक, एभरेष्ट लिंकका सिटिओ चेछन लामा र बयलपाटा अस्पतालका सिनियर इएचआर रमेश महरको सहभागिता रहनेछ ।
यसैगरी कार्यक्रममा नेपाल दुरसञ्चार प्राधिकरणका अध्यक्ष पुरुषोत्तम खनाल, नेपाल टेलिकमका प्रवन्ध निर्देशक डिल्लि अधिकारी र आइस्पानका अध्यक्ष भोजराज भट्टको पनि अतिथिको रुपमा संवादमा सहभागी हुनुहुनेछ । प्रविधि विज्ञ मनोहर भट्टराई र पुर्वमन्त्री गणेश शाहले पनि कार्यक्रममा सम्वोधन गर्नुहुनेछ ।
डिजिटल संवादका विभिन्न कार्यक्रमहरु गर्दैजादा धेरैको गुनासो र सुझाव अन्तगर्त ग्रामिण डिजिटल कनेक्टिभिटीको विषयमा वृहत छलफल कार्यक्रम राखिएको कार्यक्रमका सञ्चालक हेमपाल श्रेष्ठले जानकारी दिए । आज दिउसो १ बजेदखि जुममार्फत सुरु हुने कार्यक्रममा सहभागि हुन [email protected] मा इमेल वा यो लिंकमा गएर रजिस्ट्रेसन गर्नुपर्नेछ ।
कार्यक्रम शनिवार ठिक १ बजेदेखि जुम (अनलाइन भिडियो कन्फ्रेन्सिङ प्लाटफर्म) मार्फत सञ्चालन हुने छ । यसैगरी लिभिङ विथ आइसिटीको फेसबुक पेज लगायतबाट समेत कार्यक्रमको प्रत्यक्ष प्रशारण हुनेछ ।
