आईसीटी समाचार
नेपालको पहिलो पेमेन्ट गेटवे ईसेवाले प्रिभिलेज सदस्यता नामक नयाँ योजना सुरु गरेको छ । कम्पनीले हिमालयन जनरल इन्स्योरेन्स, दामी म्युजिक, टप डक्टर्स नेपाल र बिधानासँगको सहकार्यमा ‘ईसेवा प्रिभिलेज सदस्यता’ नामक नयाँ योजनाको सुरुवात गरेको हो ।
ईसेवा प्रिभिजेज सदस्यताको मूल्य १८० रुपैयाँ तोकिएको छ । त्यस्तै ईसेवा प्रिभिलेज सदस्यता लिएपछि १५ रुपैयाँ क्यास ब्याक पाउन सकिने छ । क्यास ब्याक जुनसुकै बिल भुक्तानीको लागि प्रयोग गर्न सकिने छ ।
प्रिभिलेज सदस्यता लिएपछि दामी म्युजिक प्रिमियमको भौचर प्राप्त गर्न सकिने छ । त्यसपछि दामी म्युजिकको वेबसाइटमा गई रिडिम गरी दामी म्युजिक प्रिमियम एक हप्ता निशूल्क प्रयोग गर्न सकिने छ ।
त्यस्तै ईसेवा प्रिभिलेज सदस्यता लिएको दिनदेखि एक महिनासम्म यस वेबसाइटमा गई निशूल्क अनलाइन बुक गरी कोरोना भाइरस बारे जानकारी लिन सकिने छ । भने बिधाना हेल्थकेयर मार्फत ल्याब टेस्ट प्याकेजमा २५० रुपैयाँ देखि २६८० रुपैयाँसम्म छुट पाउन सकिने छ ।
त्यसैगरी ईसेवा प्रिभिलेज सदस्यता लिने व्यक्ति अस्पताल भर्ना भएमा १ हजार देखि १० हजारसम्मको सहयोग पाउने छन् । यसमा ६० वर्ष उमेर माथिका व्यक्तिहरुको लागि अस्पताल भर्ना समावेश गरिएको छैन् ।
यस योजना नेपाल सरकार अन्तर्गत दर्ता भएका अस्पतालहरुमा मात्रै लागु हुने कम्पनीले जनाएको छ । यदि कोरोना भाइरसका कारण अस्पताल भर्ना भएर रकम दाबी गर्नुपरेमा दाबी गरिएको १५ दिन पछाडी कोरोना भाइरस पुष्टि भइसकेपछि सहयोग रकम उपलब्ध हुनेछ ।
त्यस्तै ईसेवा प्रिभिलेज सदस्यतामा सहभागी भएपछि एकलाख सम्मको दुर्घटना बिमा प्राप्त गर्न सकिने छ । यो योजना आत्महत्या, मानसिक रोग, रक्सी, ड्रग्स तथा अन्य लागुपदार्थ प्रयोग गरिएको अवस्थामा र कानुन उल्लंघन गरेको पाइएमा बिमा रकम दाबी गर्न सकिने छैन् ।
ईसेवा प्रिभिलेज सदस्यता योजनामा सहभागी हुनको लागि सुरुमा ईसेवा एप खोलेर लगइन गर्नुहोस । त्यसपछि सर्च बारमा गएर ईसेवा प्रिभिलेज सर्च गरी यस योजनामा सहभागी हुन सकिने छ ।
