अब आई पे रेमिट मार्फत पठाएको रकम ईसेवा वालेटबाट प्राप्त गर्न सकिने

अब आई पे रेमिट मार्फत पठाएको रकम ईसेवा वालेटमै प्राप्त गर्न सकिने भएको छ । यसको लागि आई पे रेमिट र ईसेवा बीच डिजिटल कारोबारका लागि सम्झौता भएको हो ।

उक्त सम्झौता पत्रमा आई पे रेमिटको तर्फबाट कार्यकारी निर्देशक इन्द्र प्रसाद शर्मा र ईसेवाका प्रमुख कार्यकारी अधिकृत सुभाष सापकोटाले हस्ताक्षर गरेका हुन् । अब सिस्टम इन्ट्रिग्रेसन पश्चात आई पे रेमिटका आठ हजार भन्दा बढी भुक्तानी काउन्टरबाट सजिलै ईसेवा वालेटमा पैसा जम्मा गर्न सकिने छ ।

यस्तै आई पे रेमिट मार्फत नेपालभर पठाएको रकम ईसेवा वालेटबाट सजिलै प्राप्त गर्न सकिने छ । आई पे रेमिटले मलेसिया, जापान लगायत विश्वका विभिन्न मुलकबाट रेमिट्यान्स सेवा प्रदान गर्दै आइरहेको छ ।