आईसीटी समाचार
नेपालमा भारतीय न्युज च्यानलहरुको प्रसारण बन्द भएको छ । विदेशी च्यानल वितरक मल्टी सिस्टम अपरेटर (एमएसओ) ले नेपालमा भारतीय न्युज च्यानलहरुको प्रसारण बन्द गर्ने निर्णय गरेका हुन् ।
बिहीबार साँझदेखी वितरकहरुले स्वतः स्फूर्त रुपमा दूरदर्शन बाहेकका सबै भारतिय न्युज च्यानल बन्द गरेका छन् । पछिल्लो समय भारतीय च्यानलमा नेपाल र नेपालका प्रधानमन्त्री केपी शर्मा ओलीको विषयमा झुटा र भ्रामक प्रचार गरेको भन्दै वितरकहरु विदेशी च्यानल बन्द गर्ने निर्णयमा पुगेका हुन् ।
अहिले नेपालमा टेलिभिजनका करिब २५-३० लाख ग्राहकहरु रहेका छन् । नेपालमा यस भन्दा अगाडी नाकाबन्दीका समयमा पनि भारतीय च्यानल बन्द गरिएको थियो ।
