आईसीटी समाचार
डिशहोमले डिलर दाईको डिस्काउन्ट अफरलाई निरन्तरता दिने भएको छ । ग्राहकहरुको अत्याधिक मागलाई ध्यानमा राखि यो अफरलाई निरन्तरता दिने भएको हो ।
२०७६ फागुन २ गते देखि सुरु भएको डिलर दाईको डिस्काउन्ट अफर ४४ हप्ताको लागि सञ्चालन हुने भनिएको थियो । तर ग्राहकले रुचाएपछि यस अफरले निरन्तरता पाएको छ ।
देशभर रहेको डिशहोमको बिक्रेता वा नजिकैको डिलर मार्फत फन्ड ट्रान्सफरबाट बार्षिक रिचार्ज गर्दा साप्ताहिक लक्की ड्रमा सहभागी हुन पाइन्छ ।
साथै डिसहोमले अब अनलाइन मार्फत ५ हजार वा सो भन्दा माथि रिचार्ज गर्ने ग्राहकहरुलाई पनि साप्ताहिक लक्की ड्रमा सहभागी गराउने भएको छ ।
यो लक्की ड्र हरेक हप्ताको शुक्रबार साँझ ५ बजे डिशहोमको च्यानल नम्बर १००, च्यानल नम्बर १०१ र रमाईलो टीभी मार्फत प्रत्यक्ष प्रसारण हुँदै आएको छ । उक्त लक्की ड्रमा २ जना भाग्यशाली विजेता छनौट हुन्छन् र उनीहरुले एक एक लाख रुपैयाँ नगद प्राप्त गर्छन ।
फन्ड ट्रान्सफरबारे थप जानकारी लिन देशभर रहेको डिशहोम बिक्रेता, नजिकैको डिलर वा डिशहोमको ग्राहक सेवा केन्द्रमा सम्पर्क गर्न सकिनेछ ।
