आईसीटी समाचार
अब विभिन्न इभेन्ट, वेबिनार तथा मिटअपहरुको जानकारी इभेन्ट्स एनपी बाट नै पाइने भएको छ । इभेन्ट सर्च इन्जिनको रुपमा विकास गर्ने उदेश्यले इभेन्ट्स एनपी को सुरुवात भएको हो ।
यसबाट इभेन्टलाई प्रमोसन गर्न र इभेन्टको बारेमा अरुलाई विस्तृत जानकारी दिन सहज हुनेछ । इभेन्ट्स एनपीमा इभेन्ट निशूल्क रजिष्ट्रेसन गर्न, म्यासेन्जर च्याट बट मार्फत जानकारी दिन तथा इभेन्ट अपडेट गर्न सकिने लगायतका सुविधा रहेका छन् ।
ईभेन्ट्स एनपीको स्थापना ४ जना मुकुल श्रेष्ठ, विविश नेपाल, सेवक गौतम र कुनाल शाहले गरेका हुन् । इभेन्ट्स एनपीलाई इभेन्ट, वेबिनार र मिटअपहरुको एउटै गन्तव्य बनाउने उदेश्य रहेको इभेन्ट्स एनपी टिमका मुकुल श्रेष्ठले आइसिटी समाचारलाई बताए ।
उनले भने, ‘इभेन्टहरुको जानकारी दिन अहिले वेबसाइट मात्रै सञ्चालनमा ल्याएका छौँ, केही समय पश्चात हामीले यसको मोबाइल एप समेत ल्याउने तयारी गरेका छौँ’ ।
इभेन्ट्स एनपीले प्रयोगकर्तालाई इभेन्टको बारेमा अपडेट तथा जानकारी समेत दिने गरेको छ । इभेन्ट्स एनपीमा इभेन्ट, वेबिनार, मिटअपहरु दर्ता गर्न इभेन्ट्स एनपीको
वेबसाइट
मा गई
सबमिट इभेन्ट
अप्सनमा क्लिक गरी आफुले आयोजना गर्न लागेको इभेन्ट, वेबिनार तथा मिटअपको बारेमा जानकारी पठाउन सकिने छ ।
