आईसीटी समाचार
डिशहोमले ‘डिसहोममा डिलर दाईको डिस्काउन्ट’ नामक योजना अन्तर्गत लाईभ लक्की ड्रमार्फत २ जना विजेताले छनौट भएका छन् ।
गत असार १९ गते देखि असार २५ गते सम्म फन्ड ट्रान्सफरबाट बार्षिक रिचार्ज गर्ने ग्राहकहरुलाई समावेश गरेर लक्की ड्र सम्पन्न भएको हो ।
शुक्रबार साँझ ५ बजे डिशहोमको शोकेस च्यानल नम्बर १००, च्यानल नम्बर १०१ र रमाईलो टिभिबाट लाइभ लक्की ड्र मार्फत २ जना भाग्यशाली विजेता छनौट गरिएको थियो । उक्त योजना अनुसार २ जना भाग्यशाली विजेताहरुले प्रतिव्यक्ति एक एक लाख रुपैयाँ नगद प्राप्त गरेका छन् ।
असार १९ गते भएको लाईभ लक्की ड्रबाट डिसहोमको सेटअप बक्सको क्यास आईडी नम्बर ७१९१३०९४८७७ र ७१९१४०८१९१५ लाई बिजेता घोषणा गरिएको छ ।
ग्राहकहरुको अत्याधिक मागलाई ध्यानमा राखि डिशहोमले डिलर दाईको डिस्काउन्ट अफरलाई निरन्तरता दिएको छ । साप्ताहिक लक्की ड्रमा फन्ड ट्रान्सफरबाट रिचार्ज गर्ने ग्राहकका साथै अनलाइन मार्फत ५ हजार वा सो भन्दा माथि रिचार्ज गर्ने ग्राहकहरुले पनि सहभागी जनाउन सक्ने छन् ।
