बिल गेट्स, एलन मस्क, जेफ बेजोस, बाराक ओबामा, एप्पल लगायतका ट्विटर अकाउन्ट ह्याक

बिल गेट्स, एलन मस्क, जेफ बेजोस, बाराक ओबामा, एप्पल लगायतका ट्विटर अकाउन्ट ह्याक भएको छ । ह्याक गरिएका केही ट्विटर अकाउन्टबाट एकहजार डलर क्रिप्टोकरेन्सी चन्दा स्वरुप पठाउन भन्दै ट्विट गरिएको थियो ।

ट्विटर अकाउन्ट ह्याक हुनेमा अमेरिकाका पूर्व राष्ट्रपति बाराक ओबामा, राष्ट्रपतिका लागि डेमोक्र्याटिक उमेदवार जो बाइडन, अर्बपतिहरु बिल गेट्स जेफ बेजोस, एलन मस्क, माइकल ब्लुमवर्ग लगायतका रहेका छन् । साथै एप्पल तथा उबर संस्थाको अकाउन्ट समेत ह्याक भएको छ ।

ह्याक भएका केही ट्विटर अकाउन्टमा लेखिएको छ, ‘ तपाई १ हजार डलर मलाई पठाउनहोस त्यसको बदलामा दुई हजार डलर म तपाईलाई पठाउछु । तर यस्ता पोष्टहरु केही समयमै हटाइएको छ । निलो 'टिकमार्क'  अर्थात भेरिफाइड अकाउन्टबाट अहिले थप ट्विट गर्न रोकिएको छ । ट्विटरले यस विषयमा थप अनुसन्धान गरिरहेको जनाएको छ ।