आईसीटी समाचार
अब एउटा बैंकको एटिएम कार्ड अन्य बैंकको एटिएम मेसिनमा निशूल्क प्रयोग सकिने भएको छ । आर्थिक वर्ष २०७७/७८ को मौद्रिक नीति सार्वजनिक गर्दै नेपाल राष्ट्र बैंकका गभर्नर महाप्रसाद अधिकारीले यस्तो बताएका हुन् ।
उनका अनुसार कोभिड १९ को असर रहेसम्मको लागि एक संस्थाको एटिएम कार्ड अर्को संस्थाको एटिएममा प्रयोग गरेमा शुल्क नलाग्ने व्यवस्था मिलाइने छ ।
त्यस्तै बैंक तथा वित्तीय संस्थाका एटिएमको कारोबार बीच अन्तरआवद्धता हुने व्यवस्था गरिने उक्त नीतिमा उल्लेख गरिएको छ ।
