आईसीटी समाचार
वूमन इन बिग डेटा नेपालले १९ जुलाई अर्थात आइतबार ‘बेल्ट योर डेटा’ विषयमा भर्चुअल प्यानल डिस्कसनको आयोजना गर्ने भएको छ । यो कार्यक्रमको उदेश्य भनेको डेटा ब्रिचका घटनामा केन्द्रित रहेर ज्ञान र तथ्य शेयर गर्नु रहेको छ ।
जूम मार्फत सञ्चालन हुने कार्यक्रममा ५ सय भन्दा बढी सहभागी हुने अपेक्षा गरिएको छ । यो भर्चुअल कार्यक्रममा डेटा साइन्टिस्ट तथा एजुकेशन कोअर्डिनेटर दोभान राई, इमिनेन्स वेजका प्रबन्ध निर्देशक नारायण कोइराला र सञ्चार तथा सूचना प्रविधि कानून विज्ञ प्रविन सुवेदी गरी तीनजना प्यानेलिस्ट रहेका छन् ।
कार्यक्रममा दर्शकहरुले टपिकसँग सम्बन्धित कुनैपनि विषय प्यानलिष्टसामु राख्न सक्नेछन भने टपिकमा वान टु वा डिस्कसन समेत गर्न सक्ने छन् । यस कार्यक्रममा अहिले नेपालमा भइरहेका डेटा ब्रिचका घटनाका बारेमा पनि विश्लेषन हुनेछ ।
यो कार्यक्रमलाई गर्ल्स इन टेक नेपाले पनि सपोर्ट गरेको छ । यदि तपाई पनि यस भर्चुअल कार्यक्रममा सहभागी हुन चाहनु हुन्छ भने यहाँ क्लिक गरी फाराम भर्न सक्नु हुनेछ ।
वूमन ईन बिग डेटा सन् २०१५ मा अमेरिकामा स्थापना भएको थियो । भने वूमन ईन बिग डेटा नेपाल च्याप्टर सन् २०२० मेमा सार्वजनिक भएको हो । यो संस्था स्थापनाको उदेश्य भनेको ट्यालेन्ट महिलालाई बिग डेटा र एनालिटिक्स क्षेत्रमा आकर्षित गर्ने रहेको छ ।
