आईसीटी समाचार
बालबालिकाको क्षेत्रमा काम गरिरहेको संस्था चाइल्ड सेफनेटले युनिसेफको सहकार्यमा भर्चुअल वर्कसप आयोजना गरिरहेको छ । ‘इभिडेन्स रिभ्यु, रिसर्च र एडभोकेसी अन चाइल्ड अनलाइन प्रोटेक्सन’ विषयमा ६ वटा भर्चुअल वर्कसपमध्ये आज बेलुकी ४ बजेदेखि दोश्रो संस्करणको कार्यक्रम सञ्चालन हने चाइल्ड सेफनेटले जनाएको छ । आजको कार्यक्रम बालबालिकालाई सुरक्षित इन्टरनेट प्रयोगमा अभिभावकको भुमिका सम्वन्धी रहेको छ ।
कार्यक्रममा सहभागि हुन यो लिंकमा क्लिक गरेर नाम दर्ता गराउन सकिनेछ ।
कार्यक्रमको दोस्रो सेसन आज साउन ५ गते सोमबार आयोजना हुनेछ । यस सेसनमा अभिभावकको दृश्टिकोणमा बालबालिकाको स्क्रिन समय र साइबर सुरक्षा व्यवस्थापन विषयमा आमाबुबासँग छलफल गरिनेछ । यो सेसन साझ ४ देखि ५.३० बजेसम्म सञ्चालन हुनेछ । आश्रिका चौधरीले सहजकर्ताको भुमिका निर्वाह गर्ने आजको कार्यक्रममा विभिन्न क्षेत्रमा कृयाशिल नविता शर्मा, मनोज केसी, अनिता गैरे र नरेन्द« कडेल स्रोत व्यत्तिको रुपमा रहनुभएको छ ।
विभिन्न संस्करणका भर्चुअल वर्कसपमा बालबालिका, अभिभावक, युवा, इन्टरनेट सेवा प्रदायक, सरोकारवाला तथा सरकारसँग छलफल गरिनेछ । नेपालमा इन्टरनेट र यसको प्रयोग बढेसँगै बालवालिका विभिन्न किसिमले असुरक्षित बनिरहेको र गलत प्रयोगबाट समाजमा विभिन्न किसिमका नकरात्मक असरहरु देखिएको प्रति चाइल्डसेफ नेटले अभिभावक, वालवालिका र सरोकारवालाहरुको ध्यानाकर्षण गराउदै आएको छ ।
संस्थाले विभिन्न सचेतनामुलक कार्यक्रमहरु, अनलाइन कन्टेन्ट तथा भिडियो सामग्रीहरु प्रशारण, बालवालिका सम्वन्धी विभिन्न सर्वेक्षण गर्दै रिपोर्ट प्रकाशन गर्ने कामहरु गरिरहेको चाइल्ड सेफनेटका अनिल रघुवंशीले बताउनुभयो । कार्यक्रममा सहभागि हुन यो लिंकमा क्लिक गरेर नाम दर्ता गराउन सकिनेछ ।
