आईसीटी समाचार
डिजिटल संवादको १६ औं श्रृंखलामा 'नेपालमा डिजिटल स्टार्टअप, योजनादेखि एक्सनसम्म' विषयमा भर्चुअल राउण्ड टेवल डिस्कसन हुदैछ । शनिबार (आज) दिउसो १ बजेदेखि जुममार्फत सञ्चालन हुने कार्यक्रम डिजिटल संवाद, लिभिङ विथ आइसिटी लगायतका फेसबुक पेजबाट समेत प्रत्यक्ष प्रशारण हुनेछ ।
यस कायक्र्रममा नेपाल सरकारका विभिन्न निकायका प्रतिनिधि, सरोकारवाला, डिजिटल स्टार्टअप तथा आइटी उद्यमीहरु स्रोत व्यत्तिको रुपमा रहेका छन । पूर्व उद्योग मन्त्री नविन्द«राज जोशी, योजना आयोगका सदस्य डा. राम कुमार फुयाल, उद्योग विभागका निर्देशक प्रेम लुइटेल विशेष वत्ताको रुपमा रहनुभएको छ ।
यसैगरी नेपाल आन्टरप्रेनर हवका सह सस्थापक सुमन शाक्य, राराल्याब्सका सिइयो मजोज घिमिरेले कार्यक्रममा कार्यपत्र प्रस्तुत गर्नेछन । यसैगरी रोष्टर लोजिका सिटिओ प्रविणराज जोशी, डिजिटल एज नेपालका एमडी दिव्या दलि कार्यक्रमका श्रोत व्यत्तिको रुपमा रहनुभएको छ । कार्यक्रमको सेसन चेयर पूर्वमन्त्री गणेश शाहले गर्नेछन ।
डिजिटल संवादको १६ औं श्रृंखलामा ' नेपालमा डिजिटल स्टार्टअप, योजनादेखि एक्सनसम्म' विषयमा भर्चुअल राउण्ड टेवल डिस्कसन हुदैछ । कार्यक्रममा इच्छुक जोकोहिले सहभागिता जनाउन सक्नेछन । यसको लागि यो लिंकमा क्लिक गरि रजिस्ट्रेशन गर्न सकिनेछ ।
१६औं श्रृंखलाको सेसनमा नेपालमा प्रविधि क्षेत्रमा संलग्न स्टार्टअपको अवस्था र सरकारले ल्याइरहेको योजना, कार्यक्रमहरुले कसरी उनिहरुलाई सम्वोधन गरिरहेको छ भन्ने विषयमा छलफल हुनेछ । पछिल्लो समयमा नेपालमा उद्यमशिलताको पहिलो प्रयास स्वरुप सुरु भइरहेका स्टार्टअपहरुलाई सरकारले विभिन्न पक्षबाट सहयोग गर्नुपर्ने कुराहरु उठिरहेको छ । सरकारका धेरै कार्यक्रमहरु असफल प्राय भइरहेको अवस्थामा अब कसरी कघि बढ्नुपर्दछ भन्ने सन्दर्भमा केन्दि«त रहेर कार्यक्रम सञ्चालन हुने आयोजकले जानकारी दिएको छ ।
डिजिटल संवाद नेपालमा कोरोनाले निम्त्याएको संकटसँगै भएको लकडाउनदेखिनै सुरु भएको वृहत अनलाइन छलफल कार्यक्रम हो । यसमा प्रविधिका विभिन्न पक्षलाई सरकार, सरोकारवाला र डोमेन च्याम्पियनहरुलाई समावेश गर्दै खुल्ला राउण्ड टेवल डिस्कसनको फम्र्याटमा कार्यक्रम सञ्चालन भइरहेको आयोजकले जानकारी दिएको छ ।
यसअघि विभिन्न १५ श्रृंखलामा डिजिटल नेपालका अभियानसँग कनेक्ट हुने विषयहरुमा कार्यक्रमहरु सञ्चालन भइसकेका छन । कार्यक्रम पश्चात सम्वन्धित निकायमा रिपोर्ट प्रस्तुत गर्ने र संवादमा उठेका कुराहरुलाई सम्वन्धित निकाय तथा सरकारको तर्फबाट सम्वोधन गर्न प्रयास गरिने कार्यक्रमका सञ्चालक हेमपाल श्रेष्ठले बताए ।
कार्यक्रममा इच्छुक जोकोहिले सहभागिता जनाउन सक्नेछन । यसको लागि यो लिंकमा क्लिक गरि रजिस्ट्रेशन गर्न सकिनेछ । कार्यक्रम लाइभ हेर्नको लागि आज(शनिवार) ठिक १ बजे यो पेजमा जोडिन सकिनेछ । कार्यक्रम महिनाको पहिलो र अन्तिम शनिवार पाक्षिक रुपमा सञ्चालन हुदै आइरहेको छ ।
