आईसीटी समाचार
डिशहोमले पनि इन्टरनेट सेवा दिन थालेको छ । फाइबर टू दी होम (एफटीटीएच) मार्फत डिशहोमले इन्टरनेट सेवा दिन थालेको हो ।
डिशहोम अहिले फाइबर नेटको विस्तारको क्रममा रहेको छ । डिशहोमले अहिसम्म ललितपुरको भैसेपाटी, काठमाडौंको बानेश्वर, तिनकुने र कपनमा इन्टरनेट सेवा दिएको छ ।
गत माघमा नेपाल दूरसञ्चार प्राधिकरणबाट इन्टरनेट सेवा प्रदायकको लाइसेन्स प्राप्त गरेपछि पहिलो चरणमा गत फागुनबाट डिशहोमले भैसेपाटीमा इन्टरनेट सेवा दिन सुरु गरेको थियो ।
अब काठमाडौं उपत्यकासँगै देशका अन्य शहरमा इन्टरनेट विस्तार गर्ने डिशहोमको योजना रहेको छ । यसको लागि कम्पनीले आफ्नो योजना अनुसार काम गरिरहेको छ ।
गाउँ गाउँमा फाइबर मार्फत इन्टरनेट सेवा दिन असहज हुने भएकाले कम्पनीले स्याटेलाइट मार्फत पनि इन्टरनेट सेवा प्रदान गर्ने योजना रहेको जनाएको छ । तर यसको लागि भने केही समय लाग्नेछ ।
