आईसीटी समाचार
यूजी बजार (अर्बन गर्ल) ले आफ्नो सोसल ईकमर्स एप सार्वजनिक गरेको छ । कम्पनीले शुक्रबार एक कार्यक्रम आयोजना गरी सोसल ईकमर्स एप सार्वजनिक गरेको हो ।
यूजी बजारले यसमा विभिन्न सातवटा मोड्युल समावेश गरेको छ । ईकमर्स बाहेक यो एपमा ६ विशेषता रहेका छन् । जस अन्तर्गत प्रयोगकर्ताले आफ्नो सामान आफै स्टक गर्न सक्ने, गेमहरु हाल्न मिल्ने र डिस्काउन्ट पनि दिन सक्ने छन ।
यस एपमा उत्पादकले अटोमोबाइल लिस्टिङ र टेस्ट ड्राइभिङ गर्न सकिने मोड्युल पनि रहेको छ । त्यस्तै एपमा एचआर मोड्युल पनि रहेको छ । जसमा भ्याकेन्सी पनि निकाल्न र त्यँही बाट कामको लागी निवेदन पनि दिन सकिन्छ ।
अक्सन तथा अफर मोड्युल अन्तर्गत प्रयोगकर्ताहरुले आफ्नो सामान बेच्न र डिस्काउन्ट दिन पाउनेछन् । यूजी बजारले फोटो कन्टेस्ट र भिडियो कन्टेस्ट पनि आयोजना गर्ने गरेको छ । यसले प्रयोगकर्ताहरुलाई एक अर्का सँग जोड्ने माध्यम पनि बनाई दिएको बताइएको छ ।
यो एप नेपालमै विकास भएको हो । यसलाई विश्व प्रतिस्पर्धीको रुपमा ठहराउने योजना कम्पनीको रहेको छ । त्यसको लागी पहिले नेपालमा सफलता पाउनु आवश्यक देखिन्छ । नविन टेक्नोलोजीको प्रयोग गरेर बनाइएको यो एपले उद्यमीहरुलाई पनि एउटा नँया बाटो देखाएको छ ।
ग्राहकलाई गुणस्तरीय सामान पुर्याउने उदेश्यका साथ यूजी बजार सन २०१२ देखि सञ्चालनमा हो । यूजी बजार अब अन्तराष्ट्रिय बजारमा पनि प्रतिस्पर्धा गर्न सक्ने भएको कम्पनीको दाबी रहेको छ । यूजी बजारको एन्ड्रोइड एप डाउनलोड गर्न यहाँ क्लिक गर्नुहोस् ।
