आईसीटी समाचार
विध ल्याबमा अब कोरोना परीक्षण गर्दा अनलाइनबाटै भुक्तानी गर्न सकिने भएको छ । सरकारले तोकेभन्दा कम शूल्कमा कोरोना आरटी पीसीआर परीक्षण गर्दै आएको विध ल्याबले कोरोना परीक्षण गर्दा लाग्ने रकम अनलाइनबाटै तिर्न सकिने व्यवस्था गरेको हो ।
विध ल्याबमा कोरोना परीक्षणको शुल्क अनलाइनबाट भुक्तानी गर्दा थप २०० छुट पनि पाइने छ । यससँगै अब विध ल्याबमा ३ हजार ८ सयमा कोरोनाको आरटी पीसीआर परीक्षण गर्न सकिने छ ।
ईसेवा वा खल्ती प्रयोग गरी आरटी पिसिआर परीक्षणको शुल्क तिर्न सकिने छ। अहिलेको परस्थितिलाई मध्यनजर गरेर अनलाइनबाटै शुल्क भुक्तानी गर्न सकिने व्यवस्था गरेको विध ल्याबले बताएको छ ।
विध ल्याबले प्रतिनमूना चार हजारमा कोरोना परीक्षण गर्दै आएको छ । सरकारीसहित केही निजी प्रयोगशालाले प्रतिनमूना ५ हजार ५०० शुल्क लिएर कोरोना परीक्षण गर्दै आएका छन् । कोरोना परीक्षण गरेको ४ घण्टामै नतिजा दिने ल्याबले जनाएको छ ।
