आईसीटी समाचार
क्रिष्टल कञ्चनजंघा सेक्युरिटीज प्रालिमा अब घरबाटै अनलाइन मार्फत खाता खोल्न सकिने भएको छ । आफ्ना ग्राहकलाई ध्यानमा राखेर क्रिष्टल कञ्चनजंघा सेक्युरिटीज प्रालि (ब्रोकर नं ५०) ले यस्तो व्यवस्था गरेको हो ।
यससँगै अब क्रिष्टल कञ्चनजंघा सेक्युरिटीजमा अनलाइन मार्फत नयाँ खाता खोल्न र आफ्नो खाता नविकरण तथा अध्यावधिक गर्न सकिने छ ।
कम्पनीको वेबसाइटमा गएर ग्राहकले यो सुविधाको प्रयोग गर्न सक्ने छन् । यस व्यवस्थासँगै अब ग्राहकले आफ्नो डिम्याट खाता नविकरण तथा अध्यावधिक गर्न कार्यालयसम्म जानु पर्ने बाध्यता हट्नेछ ।
नयाँ खाता खोल्न चाहने ग्राहकहरुले दस्तखत प्रमाणीत गर्न एक पटक भने कार्यालयमा उपस्थित हुनुपर्ने छ ।
