आईसीटी समाचार
के तपाईले आफ्नो इन्स्टाग्राम अकाउन्टमा अपलोड गरेको फोटो तथा भिडियोलाई अरुले हेर्न देख्नबाट लुकाउन चाहनुहुन्छ ? यदी यसो हो भने इन्स्टाग्रामले केही वर्ष अगाडी सार्वजनिक गरेको एउटा फिचरको बारेमा जानकारी दिदैछौं ।
यो फिचरको नाम हो, अरकाइभ । जुन फिचरको सहयोगले आफुले अपलोड गरेको पुराना फोटो तथा भिडियोलाई लुकाउन र अरुले हेर्न नसक्ने बनाउन सकिने छ ।
अरकाइभमा राखेपछि फोटो तथा भिडियो प्रोफाइलमा देखिने छैन । अरकाइभमा राखेको पोष्ट प्राइभेट ट्याबमा जाने गर्दछ र यसलाई आफैले मात्र हेर्न सकिने छ । अरकाइभ गरिएको पोष्टलाई फेरी रिस्टोर गर्न पनि मिल्छ ।
आफूले अरुलाई नदेखाउन चाहेको फोटो तथा भिडियोलाई अरकाइभ गर्न उक्त पोष्टमा गएर तीनवटा डट भएको अप्सनमा थिच्ने । त्यसपछि त्यहाँ अरकाइभ अप्सन देखिने छ । उक्त अरकाईभ अप्सनमा थिचेपछि तपाईको गरेको पोष्ट अरु कसैले देख्न पाउने छैन् ।
