आईसीटी समाचार
भोलिबाट नेपालमै पहिलो पटक आयोजना भएको 'टेक कन्क्लेभ' सुरु हुने भएको छ । कोड फर चेन्जले प्रविधिको क्षेत्रमा केही सहुलियत पुगोस भन्ने उदेश्यका साथ् आयोजना गरेको भर्चूअल टेक इभेन्ट ‘टेक कन्क्लेभ २०२०’ साउन ३० गते शुक्रबारदेखि सुरु हुने भएको हो ।
कोड फर चेन्ज विगत केही वर्ष देखि प्रविधिसँग जोडिएर आफ्नो अध्ययनलाई अगाडि बढाइरहेका विधार्थीहरुका लागि विभिन्न व्यक्तिगत तथा व्यावसायिक ज्ञान प्रदान गर्दै आइरहेको छ ।
यसै क्रममा लकडाउनले धरासाही भएको नेपालको शैक्षिक क्षेत्रलाई केही टेवा पुगोस र प्रविधिमा मान्छेहरुको ध्यान केन्द्रित होस् भन्ने अपेक्षाका साथ कोड फर चेन्ज भर्चुअल टेक इभेन्टको आयोजना गरेको हो ।
कोरोना भाइरसका कारण भौतिक रुपमा यस्ता कार्यक्रम गर्न सम्भव नभएपछि कोड फर चेन्जले नेपालमै पहिलोपटक भर्चुअल कार्यक्रम गर्न लागेको हो ।
यस कार्यक्रमको मुख्य उदेश्य भनेको निष्क्रिय भएर बसिरहेका विद्यार्थिहरुलाई सक्रिय बनाउनु, विभिन्न व्यवसायका उपाएहरु बारे जानकारी दिनु, अनलाइन खेलहरु खेलाएर मानिसहरुलाई मानसिक रुपमा स्वच्छ राख्न मद्दत गर्नु र विभिन्न विद्यार्थीहरुले गरेका परियोजनाहरुको प्रवर्द्धन गर्नु रहेको कोड फर चेन्जका रियोजना प्रमुख निराजन क्षेत्रीले बताए ।
कार्यक्रममा विद्यार्थी, शिक्षक , शैक्षिक संघ सस्था तथा समाजसेवी र प्रविधिमा आस्थावान तथा जिज्ञासु मानिस गरी एक हजार भन्दा भन्दा बढीको उपस्थिति रहन सक्ने अपेक्षा गरिएको छ ।
उनका अनुसार यो कार्यक्रम ३ दिन सम्म संचालन हुने र सबै दिनमा हुने क्रियाकलाप हरु विशेषगरी प्रविधिलाई प्रवर्द्धन गर्ने खालको हुने तथा केही भने अन्य उपस्थितहरुलाई समेत लक्षित गर्ने गरी हुने छ ।
कार्यक्रम साउन ३०, ३१, र ३२ गते संचालन हुने छ भने हरेक दिन दिउँसो १२ बजेदेखि ३ बजेसम्मको समयमा संचालन गरिने गरी तयारी गरिरहेको समेत क्षेत्रीले जानकारी दिए । कार्यक्रममा सहभागी हुन यो लिंकमा क्लिक गरि रजिस्ट्रेशन गर्नुपर्नेछ ।
