आईसीटी समाचार
कोरोना भाइरसको कारणले गर्दा सामाजिक दूरी कायम गर्नु परेका अवस्थामा बाहिर गएर कसैलाई भेट्ने स्थिती छैन । यस्तो समस्याले डेटिङ्ग एपहरु एकदमै मर्कामा परेका छन् । भेटघाटनै नभएपछि एप चलाउन गाह्रै भएको छ ।
यही परिस्थितीलाई मध्यनजर गरेर टिन्डर नामक डेटिङ्ग एपले केही समय अगाडी भिडियो कलको फिचर ल्याएको थियो । यो फिचरको सहयोगले भिडियो कल गर्न सकिने छ । यस फिचरको नाम फेस टु फेस रहेको छ ।
तर भिडियो कल गर्न दुबै प्रयोगकर्ताले यो फिचरलाई इनेबल गरेको हुनुपर्ने छ । प्रयोगकर्ताले जुन कुनै बेला पनि यो फिचरलाई डिसेबल गर्न सक्छन् । प्रयोगकर्ताले भिडियो अन गर्नु अघि ग्राउन्ड नियमावलीहरुलाई मान्नु पर्ने हुन्छ ।
टिन्डरले यो महामारीको बिचमा पासपोर्ट फिचर पनि ल्याएको थियो । यो फिचरको मद्दतले विश्व भरिको मान्छे सँग जहाँ बाट कुरा गर्न सकिन्छ । सर्वेक्षणको अनुसार ४० प्रतिशत प्रयोगकर्ताले यो फिचर प्रयोग गर्ने पाइएको छ ।
