आईसीटी समाचार
सरकारी स्वामित्व रहेको दूरसञ्चार सेवा प्रदायक कम्पनी नेपाल टेलिकमले एसईई पास भएका निशूल्क सिम उपलब्ध गराउने भएको छ । टेलिकमले विशेष सुविधा सहित निशूल्क नयाँ सिम उपलब्ध गराउने भएको हो ।
यो नयाँ सिममा ३० दिनसम्म प्रत्यके दिन सय एमबी डेटा, १० मिनेट भ्वाइस प्याक र पाँचवटा एसएमएस सुविधा प्राप्त गर्न सकिने छ ।
यससँगै ५० रुपैयाँ भन्दा माथिको प्रत्यके रिचार्जमा एकवर्षसम्म ०.५ जीबी डेटा, ५० मिनेट भ्वाइस र ५० वटा एसएमएस सुविधा पाउन सकिने छ । साथै अहिले नेपाल टेलिकमले सिम प्रयोग गरिरहेका विद्यार्थीहरुले पनि प्रत्येक दिनको सुविधा ३० दिनसम्म लिन सक्ने छन् ।
नयाँ सिम लिन टेलिकमको नजिकको कार्यालय जानुपर्ने हुन्छ । साथै निशूल्क सिम प्राप्त गर्न एसईई परीक्षाको आईडी, फोटो र सम्बन्धित विद्यार्थी वा अभिभावकको आईडी हुन जरुरी छ ।
यो भन्दा अगाडी टेलिकमको सिम प्रयोग गर्नेले *१६००# डायल गरी प्रत्येक दिनको अफर सुचारू गर्न सक्ने छन् । साथै अनलाइन कक्षाको लागि ईशिक्षा प्याकेज पनि उपलब्ध हुने कम्पनीले जनाएको छ ।
