आईसीटी समाचार
ग्लोबल आइएमई बैंकले एक द्वार प्रणाली अनुरुप ‘ग्लोबल कनेक्ट’ नामक कल सेन्टरको सुरुवात गरेको छ । ग्राहकहरुको बैंकिङ आवश्यकतालाई सम्बोधन गर्न बैंकले कल सेन्टरको सुरुवात गरेको हो ।
यस सेवासँगै ग्राहकले हाल बिहान ८ बजेदेखि बेलुका ७ बजेसम्म फोन गरेर आफ्ना विभिन्न जिज्ञाशाहरुको समाधान, गुनासो, सूचना, तथा सुझावका लागी सम्पर्क गर्न सक्ने बैंकले जनाएको छ ।
ग्राहकले ९७७–१–५९७०६०० मा फोन गरी ग्लोबल कनेक्टमार्फत बैंकको विभिन्न सेवासम्बन्धी जानकारी हासिल गर्न सक्नेछन् । यस सेवाले सेवाग्राहीहरुलाई थप टेवा पुग्ने विश्वास बैंकले लिएको छ ।
