आईसीटी समाचार
लकडाउनको विषम परिस्थितिमा स्थापना भएको नेपाली ईकमर्श कम्पनी ग्यापुले भियतनाममा पनि आफ्नो सेवा विस्तार गर्ने भएको छ ।
फलफूल तरकारी देखि इलेक्ट्रोनिक्स सामान सम्म घरघरमै डेलिभरी गर्दै आएको नेपाली ई-कमर्स कम्पनी ग्यापु डटकमको बारेमा हालै विश्व चर्चित मिडिया फोर्ब्सले पनि समाचार प्रकाशन गरेको थियो । फोर्ब्सको कभरेजलाई अन्तर्राष्ट्रिय स्तरमा विशेष महत्वका साथ हेरिन्छ ।
ग्यापुले छिट्टै आफ्नो सेवा भियतनाममा आफ्नो सेवा बिस्तार गर्ने बताएको छ । यस सँगै ग्यापु विश्व बजारमा प्रवेश गर्ने पहिलो नेपाली ईकमर्स कम्पनी हुनेछ।
ग्यापुले छिट्टै आफ्नो सेवा भियतनाममा आफ्नो सेवा बिस्तार गर्ने बताएको छ । यस सँगै ग्यापु विश्व बजारमा प्रवेश गर्ने पहिलो नेपाली ईकमर्स कम्पनी हुनेछ। कम्पनीका अनुसार भियतनाम पछि बिश्वका विभिन्न मुलुकमा ग्यापुको सेवा बिस्तार गरिने छ ।
अमेरिकाको आइटी हब सिलिकन भ्यालीमा रहेर लामो समय व्यवसाय गरेका ज्ञानेन्द्र खड्काले गत चैत्र २१ गतेबाट ग्यापुको सुरुवात गरेका हुन् । फोर्ब्सले ग्यापुलाई नेपालको एकदमै चाँडै व्यापार विस्तार गर्ने कम्पनीका रुपमा समेत व्याख्या गरेको छ।
हाल ग्यापुमा हजार बढी भेन्डर र चार लाख बढी प्रोडक्ट उपलब्ध छन् । स्थापनाको छोटो समयमै वेबसाईट र मोबाइल एप मार्फत असी हजार ग्राहक दर्ता भइ सेवा लिइरहेको खड्काले बताए। दस करोडको लगानिमा सुरु गरिएको ग्यापुले हाल दैनिक दस लाख बढीको कारोबार गरिरहेको खड्काले बताए ।
खाद्यान्न र घरायसी सामान सँगै ग्यापुले जि-बार नाम दिएर अनलाइन बार समेत सुरु गरेको छ भने बाजेको सेकुवा सँगको साझेदारीमा ग्राहकलाई रेस्टुरेन्ट परिकार समेत डेलिभरी गर्न सुरु गरिएको छ ।
ग्यापुले आफ्नो व्यापार संजाल बिस्तार गर्ने क्रममा सिभिलमलका सम्पूर्ण पसल आफ्नो सिस्टममा दर्ता गरि अनलाइन सिभिल मलको सेवा समेत दिन सुरु गरेको छ ।
