आईसीटी समाचार
फाइल तस्वीर
मानव शरिरमा इनजेक्ट गरेर शल्यक्रिया गर्न मिल्ने नयाँ माइक्रोस्कोपिक रोबोटको विकास भएको छ । वैज्ञानिकहरुले सो रोबोटको विकास गरेका हुन् ।
कर्नेल विश्वविद्यालयले यस रोबोटको विकास गरेको हो । यसलाई अर्धकन्डक्टरको प्रयोगले बनाइएको छ । यी रोबोटहरुलाई इलेक्ट्रोनिक सिग्नल दिएर हिडाउन पनि सकिन्छ ।
हरेक रोबोटको ४ ओटा खुट्टा हुनछन् जसलाई सोलार सेल सँग जोडिएको छ । त्यो सोलार सेलमा लेजर बीमको प्रयोग गरेर रोबोटलाई हिडाउन सकिन्छ । रोबोटहरु अत्यन्तै सानो आकारका छन् ।
जसको करिब ५ माइक्रन उचाई, ४० माइक्रन चौडाई र ४० देखि ७० माइक्रन लम्बाई रहेको छ । ४ इन्च सिलिकनको वेफरबाटै वैज्ञानिकहरुले लाखौँ रोबोट बनाएका थिए ।
यो रोबोटले गर्दा धेरै सानो कुराहरु पनि देख्न पाइने वैज्ञानिकहरुको विश्वास छ । रोबोटहरु यति सानो छन् जसलाई एकैचोटि सयौँको शङ्ख्यामा सुई द्वारा हाल्न सकिनेछ ।
यिनीहरुले शरीरमा स्टिच गर्ने तथा मानव नशालाई जाँच्न सक्छन् । अहिलेको लागी यिनीहरुलाई मानिसले नै चलाउनुपर्छ तर भविष्यमा यो आफै कृत्रिम दिमागले चल्नसक्ने वैज्ञानिकहरुको विश्वास छ ।
एजेन्सीको सहयोगमा
