आईसीटी समाचार
एउटा बैंकको एटीएमबाट अर्को बैंकको एटीएम मसिनबाट पैसा निकाल्दा लाग्ने शूल्क स्थायी रुपमै हटेको छ । शुक्रबार नेपाल राष्ट्र बैंकको भुक्तानी प्रणाली विभागले भुक्तानी सेवा सञ्चालन अनुमति प्राप्त संस्थाको नाममा एकीकृत परिपत्र जारी गरि यस्तो व्यवस्था गरेको हो ।
राष्ट्र बैंकको यो निर्देशनसँगै अब नेपाल भित्रका कुनै पनि बैंकको एटीएमबाट अर्को बैंकको एटीएम मसिनबाट पैसा निकाल्दा लाग्ने शूल्क लाग्ने छैन् । राष्ट्र बैंकले एउटा बैंक तथा वित्तीय संस्थाले एउटै ग्राहकको नाममा एकभन्दा बढी कार्ड जारी गर्न नपाउने व्यवस्था समेत निर्देशनमा प्रष्ट पारेको छ ।
साथै अबका दिनमा जारी गरिएको कार्डको अवधि समाप्त हुनुभन्दा १५ दिन अघि नै ग्राहकलाई एसएमएसमार्फत सूचना दिनुपर्ने छ । तर, त्यसरी सूचना दिँदा एटीएम कार्ड नवीकरणवापत लाग्ने शुल्कसमेत उल्लेख गर्नुपर्ने बताइएको छ ।
राष्ट्र बैंकको यो निर्देशनसँगै अब नेपाल भित्रका कुनै पनि बैंकको एटीएमबाट अर्को बैंकको एटीएम मसिनबाट पैसा निकाल्दा लाग्ने शूल्क लाग्ने छैन् । राष्ट्र बैंकले एउटा बैंक तथा वित्तीय संस्थाले एउटै ग्राहकको नाममा एकभन्दा बढी कार्ड जारी गर्न नपाउने व्यवस्था समेत निर्देशनमा प्रष्ट पारेको छ ।
त्यस्तै राष्ट्र बैंकले डिजिटल माध्यमबाट हुने कारोबारको सीमा समेत केही हेरफेर गरेको छ । जस अनुसार डेबिट कार्डबाट वस्तु तथा सेवा खरिद गरी हुने भुक्तानीका लागि मासिक ४ लाखको सीमा कायम गरिएको छ । यसअघि यस्तो सीमा थिएन । प्रतिकारोबार २५ हजार र प्रतिदिन १ लाखसम्मको यसअघिको सीमालाई भने यथावत राखिएको छ ।
बैंकबाहेक अन्य भुक्तानी सेवा प्रदायकले पनि २५ हजारसम्मको प्रिपेड कार्ड जारी गर्न पाउने भएका छन् । यसअघि त्यस्ता संस्थालाई प्रिपेड कार्ड जारी गर्ने अनुमति थिएन । तर, बैंक तथा वित्तीय संस्थालाई १ लाखसम्मको कार्ड जारी गर्ने अनुमति दिँदा त्यस्ता संस्थालाई २५ हजारको सीमा कायम गरिएको हो ।
यो वर्ष मोबाइल तथा इन्टरनेट बैंकिङ कारोबारको सीमामा भने कुनै संशोधन गरिएको छैन । अहिलेलाई एटीएम सेवालाई निशुल्क गरिएमा अब डिजिटल भुक्तानीलाई समेत निशुल्क बनाउने राष्ट्र बैंक योजना रहेको छ ।
