आईसीटी समाचार
बलात्कारपछी हत्या भएकी कन्चनपुरकी निर्मला पन्तलाई न्याय माग्दै नर्सिङ एशोसिएसन अफ नेपाल को वेबसाइट ह्याक भएको छ ।
भारतीय ह्याकरको समूह इन्डियन साइबर ट्रुप्सले निर्मला पन्तको लागि न्याय माग गर्दै नर्सिङ एशोसिएसन अफ नेपालको वेबसाइट ह्याक गरेको हो ।
जस्टिस फर निर्मला भन्दै अहिले सो वेबसाइटमा लेखिएको छ, ‘७५० दिनभन्दा बढी समय भइसक्दा पनि नेपाल सरकार अझै मौन छ, हामी निर्मला पन्तको न्याय चाहन्छौं ।
सो ह्याकरको समूहले जस्टिस फर निर्मला पन्त भन्दै महिला जागरण तथा विकास केन्द्र, सर्वोच्च अदालत बार एशोसिएसन र नेपाल प्रेस युनियनको वेबसाइट ह्याक गरिसकेको छ ।
