आईसीटी समाचार
आईएमई रेमिट्यान्सले आफ्ना एजेन्टको सहभागितामा डिजिटल वालेट सुविधा ‘आईएमई पे’ मार्फत रेमिटेन्स सिधै मोबाइल वालेटमा प्राप्त गर्ने व्यवस्था गरेको छ ।
नयाँ सुविधाअन्तर्गत आफुलाई स्वदेश वा विदेशबाट आएको रकम प्राप्त गर्नका लागि ‘आईएमई पे’ वालेटको ‘रेमिटेन्स’ आइकनमा क्लिक गर्नुपर्दछ ।
त्यसपछि पैसा पठाएको ठाउँको नाम, मनी ट्रान्सफर कन्ट्रोल नम्बर र आएको रकम सुनिश्चित गरी सम्बन्धित फिल्डमा स्पष्टसँग भर्नुपर्दछ ।
प्रकृया अनुसार आफ्नो वालेट पीन दाखिला गरी तपाईंको रकमको अवस्था एकिन गर्न सक्नुहुनेछ । यदि तपाईंलाई पठाएको रकम ‘आईएमई पे’ एपमा नै प्राप्त गर्नुपर्ने भएको खण्डमा ‘रिसिभ’ बटम थिची आफ्नै वालेटमा प्राप्त गर्नु सक्नुहुनेछ ।
त्यसका अतिरिक्त ‘नियर बाइएजेन्ट’ माथि आफुँलाई पायक पर्ने आइएमई काउन्टर भ्रमण गरी आफ्नो पैसा प्राप्तगर्न सक्नुहुनेछ ।
यी सवै सुविधा प्राप्तगर्नका लागि आइएमई पे एप डाउनलोड गर्नुका साथै केवाईसी अध्यावधिक भएको हुनुपर्दछ ।
आइएमईले ‘आईएमई पे’ मोबाइल वालेट एपबाट नेपालभित्र रहेका नेपालीलाई आफ्नो घर, आफ्नै कोठाबाट नै रेमिटेन्सको रकम प्राप्त गर्ने सुविधा दिँदै आइरहेको छ । सो रकम यसरी आफ्नो मोबाइल वालेटमा रहँदासम्म उक्त रकमको ब्याज रू. ५० सम्मको बोनस पनि प्राप्त हुन्छ ।
थप जानकारी लिन यो भिडियो पनि हेर्नुहोस्
