आईसीटी समाचार
अहिले सम्म गूगल सर्च गर्दा नाम चलेको वा सेलिब्रिटीको मात्रै नाम सर्च गर्दा मात्रै उनीहरुको जानकारी पाइन्छ । केही ठूलो काम गरेकाले या चर्चित भएको व्यक्तिको बारेमा गूगलले जानकारी दिने गर्छ ।
तर धेरैलाई आफ्नो पनि जानकारी मानिसले गूगल बाटै थाहा पाउन भन्ने इच्छा हुन्छ । यही समस्यालाई गूगलले समाधान गरिदिएको छ । यसको लागी गूगलले पिपुल कार्ड नामक नयाँ फिचर ल्याएको छ । भारतमा सार्वजनिक भएको गूगलको यो फिचर अन्य देशमा कहिले उपलब्ध हुन्छ, त्यो भने थाहा छैन् ।
यसको प्रयोग गरेर हामीले कुनै पनि व्यक्तिको बारेमा जानकारी लिन सक्छौँ । आफ्नो जानकारी दिदा अलिकति सोचेर दिनुपर्ने हुन्छ किनभने हाम्रो त्यो जानकारी विश्वको कुनै पनि मान्छेले पनि हेर्न सक्नेछन ।
यो एक किसिमको भर्चुअल भिजिटिङ् कार्ड हो । हरेक व्यक्तिले एउटा मात्रै गूगल पिपुल कार्ड बनाउन सक्नेछन् । कुनै पनि व्यक्तिले कार्डमा आफ्नो फोटो, व्यवसाय र ठेगाना दिनुपर्ने हुन्छ ।
यस्तो गर्दा एउटै नाम गरेको मान्छेहरुलाई छुट्टाउन पनि सकिन्छ । यसमा अरु जानकारी पनि थप्न सकिन्छ जस्तै आफ्नो सामाजिक सञ्जालका प्रोफाइल, अध्ययन, सम्पर्क वा आफ्नो पुर्खेली घरको बारेमा पनि बताउन सकिन्छ । गूगल पिपुल कार्ड हाल गूगल सर्चको वेब भर्सनमा मात्रै उपलब्ध रहेको छ ।
