आईसीटी समाचार
काठमाडौं उपत्यकामा थप एक हप्ता निषेधाज्ञा गरिएको छ । भदौ २४ गते राती १२ बजेसम्म लागु हुनेगरी थप एकहप्ता निषेधाज्ञा गरिएको हो ।
यो पटकको निषेधाज्ञा भने अघिल्लो हप्ताको भन्दा खुकुलो बनाइएको छ । अबको निषेधाज्ञामा बिहान ११ बजेसम्म खाद्यबस्तु, दुध, दुध जन्य पदार्थ, फलफूल, तरकारी, माछा, मासु बिक्री गर्ने पसल खोल्न पाइने छ । भने ओषधि र पानिको पसले भने दिनभरी नै खोल्न सकिने छ ।
त्यस्तै यसअघि निषेधाज्ञाको समयमा प्रतिबन्ध लगाइएको टेक अवे र अत्यावश्यक उपभोग्य वस्तुको होम डेलिभरी सेवा खुला गरिएको छ । होम डेलिभरी र टेक अवे सेवा दिने व्यक्तिको पीसीआर रिपोर्ट नेगेटिभ हुनुपर्नेछ ।
होम डेलिभरी गर्दा भेटेका व्यक्तिको अभिलेख समेत राख्नुपर्ने र अनलाइन भुक्तानी गर्ने गरी होम डेलिभरी सेवा सञ्चालन गर्न सकिने बताइएको छ । त्यसको लागि जिल्ला प्रशासन कार्यालयले डेलिभरी सेवाको मापदण्ड छिटै जारी गर्ने जनाइएको छ । मापदण्ड जारी भएपछि सेवा सञ्चालन गर्न पाइने छ ।
यस्तो छ जिल्ला प्रशासन काठमाडौंले जारी गरेको निषेधाज्ञा आदेश
