आईसीटी समाचार
विश्व नवप्रवर्तक सूचाङ्क (ग्लोबल इनोभेसन इनडेक्स जिआईआई) मा नेपाल ९५ औं स्थानमा आईपुगेको छ । नेपाल सन् २०१९ मा १०७ औं स्थानमा थियो भने सन् २०२० मा वर्ल्ड इन्टलेक्च्युल प्रोपटी अर्गनाइजेसनले निकालेको रिपोर्ट अनुसार नेपाल ९५ औं स्थानमा उक्लिएको हो ।
संयुक्त राष्ट्रसंघ अन्तरगत रहेको यो संस्थाले अमेरिकाको कोर्नेल विश्विविद्यालयसँगको सहकार्यमा प्रत्येक वर्ष जीआईई इन्डेक्स निकाल्दै आएको छ ।
जिआईई इन्डेक्समा स्वीजरल्याण्ड पहिलो स्थानमा रहेको छ । त्यस्तै यसमा भारत ४८, श्रिलंका १०१, पाकिस्तान १०७ तथा बंगलादेश १०६ औं स्थानमा रहेका छन् ।
सो रिपोर्ट अनुसार नेपाल 'कम आय' भएका देशभित्र तेस्रो स्थानमा रहेको छ भने मध्य तथा दक्षिण एशियामा छैटौं स्थानमा रहेको छ । त्यस्तै सार्क राष्ट्रहरुमा भारतपछि नेपाल दोस्रो स्थानमा रहेको छ ।
पछिल्लो समय नेपालमा बिज्ञान, न्नोभेशन र प्रविधि क्षेत्रमा विभिन्न गतिबिधि तथा कामहरु भैरहेका छन् । सरकारले 'बिज्ञान प्रविधि तथा नवप्रवर्तन नीति' पनि सार्बजनिक गरेको थियो । नास्ट र अन्य निजि क्षेत्रको सक्रियता र अभियानहरुले पनि यो उपलब्धि हासिल भएको बताइएको छ ।
बिस्तृतमा जानकारी लिन तथा रिपोर्ट अध्यन गर्न यहाँ क्लिक गर्नुहोस ।
