आईसीटी समाचार
कोभिड १९ को कारण अवरुद्ध भएको नियमित पठापाठनलाई केहि राहत दिने उदेश्यले सरकारले वैकल्पिक सिकाई प्रणाली सञ्चालन गरिरहेको छ । सरकारले असार १ गतेदेखि सञ्चालनमा ल्याएको बैकल्पिक सिकाई सहजिकरण निर्देशिकालाई केहि परिवर्तन गर्दै नयाँ निर्देशिका अनुसार शिक्षा प्रणालीलाई अघि बढाउने तयारी गरेको छ ।
शुक्रवार भर्चुअल पत्रकार सम्मेलन गर्दै शिक्षा, विज्ञान तथा प्रविधि मन्त्री गिरिराजमणि पोखरेलले वैकल्पिक सिकाईलाई अझ प्रभावकारी बनाउदै लगिने बताएका छन । विश्वविद्यालयसँग ६ महिनाको वैकल्पिक शिक्षा सञ्चालनको क्यालेन्डर समेत तयार पार्न लगाएको मन्त्रि पोख्रेलले बताए । कोरोनाले निम्त्याएका महामारीको कारण तत्काल विद्यालय तथा कलेज सञ्चालनमा आउन नसक्ने भएको कारण अब बैकल्पिक सिकाईको माध्यमलाई नै तत्काल मान्यता दिने गरि कार्यक्रमहरु ल्याइने मन्त्रीले जानकारी दिए ।
मन्त्री पोखरेलले भने "अबको केहि दिनमा वैकल्पिक सिकाई निर्देशिकालाई केहि परिमार्जैन गर्दै सार्वजनिक गर्नेछौ । "
अहिलेको अवस्थालाई मध्यनजर गर्दै सबैले सहयोग गर्न र विशेषगरी अभिभावकहरुले विद्यार्थिको सिकाईमा सहजिकरण गर्न मन्त्रीले आग्रह गरेका छन ।
आज बसेका मन्त्रिपरिषद वैठकमा समेत यसबारेमा विशेष छलफल भएको र प्रधानमन्त्रीले विभिन्न ५ वैकल्पिक सिकाईमा समेत समावेश नभएका विद्यार्थीलाई अन्य माध्यमबाट शिक्षा प्रणालीमा जोड्नुपर्नेमा कुरा उठाएको कारण मन्त्रालयले थप गृहकार्य अघि बढाएको मन्त्री पोखरेलले बताए । उनले भने "अबको केहि दिनमा वैकल्पिक सिकाई निर्देशिकालाई केहि परिमार्जैन गर्दै सार्वजनिक गर्नेछौ । " अहिलेको अवस्थालाई मध्यनजर गर्दै सबैले यसमा सहयोग गर्न र विशेषगरी अभिभावकहरुले विद्यार्थिको सिकाईमा सहजिकरण गर्न मन्त्रीले आग्रह गरेका छन ।
निजि क्षेत्रका विद्यार्थीहरुले पनि अभिभावकलाई मार नपर्नेगरी शुल्क उठाउन सक्ने छुट दिइएको मन्त्रालयले जनाएको छ । नेपालमा इन्टरनेट तथा डिजिटल कनेक्टिभिटीको पहुच सबैठाँउमा नपुगेको कारण अनलाइन पढाई मात्र वैकल्पिक पढाई हो भन्ने नसोच्न मन्त्री पोखरेलले आग्रह गरेका छन । यसैगरी नेपाल टेलिकमसँग पनि सस्तो डाटाप्याक उपलब्ध गराएर अनलाइन सिकाईलाइ प्रभावकारी बनाउन काम गरिरहेको मन्त्री पोखरेलको भनाई थियो ।
