आईसीटी समाचार
कोभिड महामारीको समयमा सबै सामानलाई कीटाणु मुक्त बनाउनु एकदमै जरुरी हुने गर्दछ । त्यही कारणले हामीले आफ्नो स्मार्टफोन पनि कीटाणु रहित गरिरहनुपर्छ ।
विज्ञहरुले रक्सी भएको सेनिटाइजर प्रयोग गरेर सफा गर्दा राम्रो हुने सुझाव पनि दिएका छन् । यो समयमा सामसङले चार्ज गर्दागर्दै स्मार्टफोन, बड्स, स्मार्टवाच आदिलाई सेनिटाइज गर्ने डिभाइस बनाएको छ ।
यो डिभाइसलाई केही महिना अगाडी थाइल्याण्डमा लञ्च गरिएको थियो । यसलाई आइटीएफआइटी यूभी स्टेरीलाइजर भनिन्छ । यसको १,५९० भाट पर्ने गर्छ अर्थात नेपाली ६,१९१ रुपैंया पर्ने गर्दछ ।
अहिले सम्म यसलाई भाइब्रेन्ट सेतो रङ्गमा मात्रै निकालिएको छ । यसले चस्मालाई पनि सेनिटाइज गर्न सक्छ । यसलाई बिर्को भएको बट्टा जस्तो बनाइएको छ यसले दश मिनेटमै करिब ९९ प्रतिशत कीटाणु मार्न सक्ने बताइको छ ।
