आईसीटी समाचार
हामी सबैलाई सोसल मिडियामा आआफ्नो फोटो तथा भिडियोहरु हाल्न एकदमै रमाइलो लाग्छ । आफ्नो फोटो सबैले हेरेर राम्रो भनिदिए हुन्थ्यो भनेर पनि लागिरहन्छ ।
हामीले फोटोहरु ट्विटर, इन्सटाग्राम, फेसबुक लगायतका सामाजिक सञ्जालमा हालिरहेको हुन्छौँ । तर के हामीले सबै पोष्टमा विचार गरेर हाल्ने गर्छौँ त ? कहिले काँही विचार नगरी हाल्यौँ भने कुनै कारणले गल्ती पनि हुन सक्छ । त्यही भएर अरु मान्छेले पनि हेर्ने वाला फोटो हाल्दा तलका केही कुराहरुमा ध्यान पु¥याउनुपर्छ ।
फोटोमा के रहेको छ ?
कहिलेकाहीँ तपाईले सेल्फी खिच्दा पछाडिको ब्याकग्राउन्ड आएको हुन सक्छ जसले गर्दा तपाईको निजी जीवनको डिजिटल पहिचान बाहिरिन सक्छ ।
त्यो मान्छेले कहाँ बाट सामान किन्छ, घर या पछाडिको ब्याकग्राउन्डमा केके देखिन्छ , सबै कुरालाई मान्छेले नियालेर हेर्न सक्छन् । त्यही कारणले पोष्ट गर्नु अघि यी कुराहरुमा ध्यान पु¥याउनुपर्छ ।
फोटो कता खिचिएको थियो ?
धेरै मान्छेले तपाईँको फोटो एक झलक मात्रै हेरेर कहाँ खिचेको हो भनेर थाहापाउन सक्छन् । आइडेन्टीटी स्पामरहरुलाई यो जानकारी पनि एकदमै महत्वपूर्ण हुन सक्छ ।
यसले गर्दा अरुलाई पनि तपाईको ठेगाना पत्ता लाग्न सक्छ । घरमा एक्लै भएको फोटोहरु स्टोरीमा हालियो भने पनि घरमा चोरी गर्न आउन सक्ने पनि हुन सक्छ । त्यहीकारणले सर्तकता अपनाउनु पर्छ ।
हाम्रो फोटोहरुको ईएक्सआईएफ मेटाडाटा
हरेक फोटोहरु केही ट्याग सँगै आउँछन् । ईएक्सआईएफ मेटाडाटामा धेरै खालको जानकारी रहेको हुन्छ जस्तै क्यामेराको मोडेल, अपर्चर डेटा र त्यो फोटो कहिले र काहाँ खिचिएको थियो भनेर पनि थाहापाउन सकिन्छ । त्यही कारणले फोटो अनलाइनमा हाल्नु पूर्व ईएक्सआईएफ मेटाडाटा हटाउनुपर्छ ।
