आईसीटी समाचार
नेटटीभी एपले आफ्नो फिल्मको सेक्सनमा नेपाली फिल्महरु पैसा तिरेर हेर्न मिल्ने 'फिचर' सार्वजनिक गरेको छ । यो फिचर आज अर्थात् सेप्टेम्बर ११ मा सफ्ट लञ्च गरिएको छ । सेप्टेम्बर महिना भरीमा नेटटीभी एपले सबै राष्ट्रिय र अन्तराष्ट्रिय फिल्म तथा टीभीे कार्यक्रमहरु उपलब्ध गराउने उद्देश्य लिएको छ ।
नेटटीभीले आफ्नो एप धेरै डाउनलोड भयो भने ग्राहकसँग अझै बढि अन्तरक्रिया गर्न मौका प्राप्त हुने हुदा यस्तो फिचर ल्याएको जनाएको छ । नेटटीभीकै सेटअप बक्समा भने फिल्मको सेक्सनमा पहिले देखि नै शुल्क लाग्ने गरी नेपाली सिनेमाहरु उपलब्ध छन् । नेटटीभी एपमा १५० पल्स च्यानल भएको लाइभ टेलिभिजन रहेको छ र केही नेपाली टीभी शो पनि रहेका छन् ।
कोरोनाको कारण सिनेमा हलहरु पनि बन्द भएको समयमा नेटटिभीले ग्राहकको चाहनालाइ ध्यानमा राखेर नया सिमेनाहरु मोबाइलमै हेर्न मिल्ने गरि सुबिधा ल्याएको हो ।
यो एपलाई प्ले स्टोरबाट डाउनलोड गर्न सकिन्छ । यसको भुक्त्तानी साझेदार भने ई–सेवा, खल्ती, आएमई–पे जस्ता मोबाइल वालेटहरु रहेका छन् र यिनीहरुको प्रयोगले सजिलै नेटटीभी वालेट टप–अप गर्न सकिन्छ ।
एपमा सिनेमा किन्न पनि एकदमै सहज छ, जसले गर्दा प्रयोगकर्तालाई त्यो प्रक्रियामा पनि समस्या पर्दैन् । आफूलाई मनपर्ने सिनेमा छान्ने र बाई नाऊमा थिचेर वालेटको विकल्प छानेर पैसा भुक्त्तानी गरेपछि सिनेमा हेर्न सकिन्छ । कोरोनाको कारण सिनेमा हलहरु पनि बन्द भएको समयमा नेटटिभीले ग्राहकको चाहनालाइ ध्यानमा राखेर नया सिमेनाहरु मोबाइलमै हेर्न मिल्ने गरि सुबिधा ल्याएको हो ।
