आईसीटी समाचार
पोखरामा मुख्य कार्यालय रहेको ईकमर्स कम्पनी फेवा बजार ले बिनाधितो किस्ताबन्दीमा सामानहरु खरिद गर्न मिल्ने नयाँ सुविधा लिएर आएको छ ।
फेवा बजारले प्रभु बैंक, माछापुच्छ्रे बैंक र सनराइज बैंकको सहकार्यमा बिनाधितो किस्ताबन्दीमा सामानहरु खरिद गर्न मिल्ने नयाँ सुविधा ल्याएको हो ।
यस योजना अन्तरगत ग्राहकले ५ लाख सम्मको सामान उधारोमा खरिद गर्न र शुन्य ब्याजदरमा मासिक रुपमा किस्ता तिर्न सकिने जनाइएको छ ।
विद्यार्थी, शिक्षक/शिक्षिका तथा पेशेवर लगायतलाई लक्षित गरी अहिले यो योजना ल्याइएको हो । फेवा बजारमा इलेक्ट्रोमिक्स, इलेक्ट्रिकल, ग्रोसरी, क्लिथिङ तथा फेसन, किचेन तथा डाइनिङ, बुक तथा स्टेशनरी, ह्यान्डी क्रयाप्ट, स्पोर्ट्स, गिफ्ट आईटम, मेसिनरी टुल्स, अटोमोबाइल, हेल्थ तथा ब्युटी लगायतका सामग्रीहरु उपलब्ध छन् ।
