नेशनल योङ एकेडेमी नेपाल गठन, नेपाली यूवा अनुसन्धानकर्ताहरूको आवाजलाई उठाउने

नेपाली युवा वैज्ञानिकहरुको संस्था नेशनल योङ एकेडेमी नेपाल (नयन) गठन भएको छ । नेपाली यूवा अनुसन्धानकर्ताहरूको आवाजलाई उठाउने उदेश्यले नेशनल योङ एकेडेमी नेपाल गठन भएको हो ।

डा. वसन्त गिरीको अध्यक्षतामा गठन भएको एकेडेमीको तदर्थ समितिमा डा. बालकुमारी ओलिया, डा. विषेश खनाल, डा. सागर रेग्मी, डा. स्मृति पन्त, डा. सुरज भट्टराई र डा. उत्तमबाबु श्रेष्ठ रहेका छन् ।

नेशनल योङ एकेडेमीमा विशुद्ध वैज्ञानिकहरुले मात्रै नभएर अन्य सबै विषयका अनुसन्धानकर्ता, अध्येताहरुले सदस्यता लिन पाउने छन् । युवा वैज्ञानिकहरुको संस्था भएकाले यसमा सदस्यता लिन उमेर हद तोकिएको छ ।