आईसीटी समाचार
नेपालको सबैभन्दा ठूलो इन्टरनेट सेवा प्रदायक कम्पनी वर्ल्डलिंक कम्युनिकेसनले आज २५ औं वार्षिकोत्सव मनाईरहेको छ । नेपालको तेस्रो ठूलो दूरसञ्चार कम्पनी समेत रहेको वर्ल्डलिंकले सन् १९९५ मा ईमेल सेवा मार्फत आफ्नो सेवा सुरु गरेको थियो ।
हालसम्म वर्ल्डलिंकको सेवा चारलाख ८ हजार ५ सय घरमा सेवा उपलब्ध गराइसकेको छ । कम्पनीले देशका ७३ वटा जिल्लामा आफ्नो सेवा विस्तार गरिसकेको छ । भने नेपालमा आयात हुने व्याण्डविथको ४३ प्रतिशत ल्याउने गरेको छ ।
कम्पनीले आफ्नो सामाजिक उत्तरदायीत्व कार्यक्रम अन्तरगत १० हजार ३० स्थानमा पब्लिक वाईफाई विस्तार गरेको छ । जसका दैनिक १ लाख ५१ हजार प्रयोगकर्ता रहेका छन् ।
वर्ल्डलिंकका अहिलेसम्म २१ लाख प्रयोगकर्ता रहेका छन् । कम्पनीले करिब ४ हजार जनालाई रोजगारी प्रदान गरेको छ ।
कम्पनीले एकवर्षमा आफ्ना सबै ग्राहलाई नयाँ प्रविधि आईपीभी सिक्समा लैजाने बताएको छ । सन् २०१८ मा कम्पनीले आईपीभी सिक्स प्रविधि इनेबल गरेको थियो ।
वर्ल्डलिंकका अनुसार हाल कम्पनीका चार लाख ग्राहकहरुमध्ये एक लाख ५५ हजार भी सिक्स प्रोटोकल नेटवर्कमा गइसकेका छन् । विर्ल्डलिंकले डेलिभर गर्ने कुल इन्टरनेट ट्राफिकको २० प्रतिशत अर्थात् १६५ जीबी इन्टरनेट ट्राफिक भी सिक्सका प्रयोगकर्ताहरुले प्रयोग गर्छन् ।
वर्ल्डलिंक सूचना प्रविधि क्षेत्रको ठूलो करदाता समेत हो । बेलायतको सीडीसी कम्पनीले वर्ल्डलिंकमा लगानी समेत गरेको छ । वर्ल्डलिंक नेपालका आईएसपी मध्ये वैदेशीक लगानी भित्र्याउने एकमात्र कम्पनी हो ।
